បែកធ្លាយ ​លោក​ទុំ ណូ ប្រធាន​សាខាគយ​និង​រដ្ឋាករ​ខេត្ត​ព្រះសីហនុ មានជំនាញផ្ដល់លាភសក្ករៈជូនមេៗ​​ដើម្បី​ការពារ​តំណែង​ជា​ប្រធាន​សាខា​គយ!
(ថ្ងៃ ទី២២ ខែមីនា ឆ្នាំ2019) ដោយៈ ទស្សនៈជាតិខ្មែរ
 
 
​ខេត្ត​ព្រះសីហនុ ៖ យោង​ប្រភព​ពី​មន្ត្រី​គយ​លួចខ្សឹប​ថា លោក ទុំ ណូ ប្រធាន​សាខាគយ​និង​រដ្ឋាករ​ខេត្ត​ព្រះសីហនុ ដែល​ធ្លាប់​មាន​រឿងអាស្រូវ​កាល​ពី​កាន់ដំណែង ប្រធាន​សាខាគយ នៅ​ខេត្ត​ប៉ៃលិន បាន​ដើរ អួតអាង​ប្រាប់​មន្ត្រី​គយ និង​មន្ត្រី​នៃ​ស្ថាប័ន​ផ្សេងៗ ឱ្យដឹង ពី​ការ​ជះ​ទឹក​លុយ​ទៅឲ្យ លោក​គុណ ញឹម អគ្គនាយក​គយ​និង​រដ្ឋាករ រាប់សែន​ដុល្លារ​ដើម្បី​បាន​តូ​ឡើងកាន់តំណែង​ជា​ប្រធាន​សាខាគយ​ខេត្ត​ព្រះសីហនុ​នេះ បាន បើ​គ្មាន​ការ​ជះ​លុយ ឲ្យ​មេទេ គាត់​មិន​អាច អង្គុយ នៅ​កន្លែង​ខ្លាញ់​បាន​ស្រួល​បែប​នេះ​ឡើយ ។​

​ករណី​បែកធ្លាយ​រឿង អាស្រូវ​លោក​ទុំ ណូ យកលុយ​ទៅ​ជះ អគ្គនាយក​គយ​និង​រដ្ឋាករ រាប់សែន​ដុល្លារ បាន​ល្បី​រន្ទឺ តៗ​គ្នា ដូច​ទឹកបាក់​ទំនប់​អ៊ីចឹង ធ្លាយ​ចេញ​ពី​ខេត្ត​ប៉ៃលិន រហូតដល់​ខេត្ត​ព្រះសីហនុ ។​ករណី បែកធ្លាយ​រឿង​អួត​ជះ​លុយ នេះ​បានលឺ និង​ដឹង​ដល់​មេៗ​នៅ​ខាងលើ លោក ទុំ ណូ មេ សាខាគយ​ខេត្ត​ព្រះសីហនុ ភ័យ បញ្ជា​ឲ្យ​កូនចៅ ដើរ​បិទ បាំង មិន​អោយ​សារព័ត៌មាន ចុះ​ឡើយ ព្រោះ​ខ្លាច​លោក​គុណ ញឹម ខឹង អស់តំណែង ប៉ុន្តែ​ទោះបីជា​ព្យាយាម​បិទបាំង​យ៉ាងណាក៏ដោយ​ក៏​ព័ត៌មាន​នេះ​បាន​បែកធ្លាយ​អស់ ។​

​ប្រភព​មន្ត្រី​បាន​ទម្លាយ​បន្ត​ឲ្យដឹងថា ចាប់តាំងពី​លោក​ទុំ ណូ បាន​ចូល​កាន់តំណែង​ប្រធាន​សាខាគយ​និង​រដ្ឋាករ​ខេត្ត​ព្រះសីហនុ​ភ្លាម​គឺ​គាត់​មិន​ដែល​ខ្វល់​អំពី​ច្បាប់ទម្លាប់​អ្វី​ទេ និយាយ​រួម​គឺ​បាន​រឹតបន្ដឹង និង ដាក់​គំនាប​មន្ត្រី​អោយ​រាយ​ការក្ដោបក្តាប់​ប្រភព​សេដ្ឋកិច្ច​គ្រប់​ច្រកល្ហក​ទាំង​អស់ ដើម្បី​ស្រង់​ដើមពី​ប្រភព​ចំណូល​ខ្មៅ ដែល​កន្លងមក​ក្រុម​មន្ត្រី​គយ​ខឹលខូច​មួយចំនួនបា​ន​លាក់​ទុក​ចែក​គ្នា​ច្រកចូល​ហោប៉ៅ​ផ្ទាល់ខ្លួន​នោះ ។​

​រាល់​ទំនិញគេចពន្ធ​ជាច្រើន របស់​ឈ្មួញ​ធំៗ នៅតែ​បន្ត​ហូរ​ចូល យ៉ាង​គគ្រឹកគគ្រេង តាំងពី លោក​មេ​គយ​រូបនេះ មក កាន់ ដំណែង ដែល​វា​ហាក់បីដូចជា​ក្រុម​ឈ្មួញ​ទាំងនោះ​បាន​ដឹង​ពី​ច​រឹក មេ​គយ​រូបនេះ ចូលចិត្ត ស៊ី លុយ ក្រោម​តុ អ៊ីចឹង​ហើយ​ទើប​ក្រុម​ឈ្មួញ​ធំៗ​សម្រុក​នាំ​ទំនិញ​គេច​ពន្ធ និង​បង់ពន្ធ​មិន​គ្រប់​ចូល​តាម​ខេត្ត​មួយ​នេះ​។​

​មន្ត្រី​បាន​លើកឡើង​អោយដឹងទៀតថា​៖​ភាពមិនប្រក្រតី​នៃ​ការ​នាំចូល​គ្រប់​ទំនិញ​ចម្រុះ​ដែល​ត្រូវ​បង់ពន្ធ​ខ្ពស់ ជ្រក​ក្រោម​ការបង់ពន្ធ​ទាប​ជា​ប្រភេទ​ទំនិញ​ចម្រុះ ឬ​គ្រឿងបន្លាស់​ទំនិញ​ថោកៗ ត្រូវ​លោក​មេ​គយ​ទុំ ណូ​ស៊ី​យ៉ាង​ត្រជាក់​ល្ហឹម​តែម្តង​។​

​និយាយឲ្យចំ គឺ​អំពើពុករលួយ ជា​ខ្សែបណ្ដោយ​នេះ​គឺ​ត្រូវបាន​លោក​មេ​គយ ទុំ ណូ មិន​បាន​កែរ​ប្រែ ឫ​លុបបំបាត់​នោះទេ បែរ​ជា​កំពង់តែ​រួមដៃគ្នា​បន្ត​ចាត់តាំង​មន្ត្រី​ថ្នាក់​ក្រោម​ចាស់ៗ​នោះ ឲ្យ​អនុវត្ត​បន្ត​ដាក់​ការប្រមូល​លុយ​គ្មាន​វិក័យប័ត្រ ពី​ក្រុម​ឈ្មួញ​នាំ​ទំនិញ​ខុសច្បាប់ និង បង់ពន្ធ​មិន​គ្រប់ ដែល​ឆ្លងកាត់​ផែ​ទំនប់រលក ផែ​ស្ទឹង​ហាវ ផែ​កែវផុស ផែ​លោក​ឧកញ៉ា សូ ជុង​ហួ និង​រួម​ទាំង​ផែ​ឯកជន​តូចៗ ក្តោម​ក្តាប់​យ៉ាងណែ​ន​ក្នុង​ដៃ ហើយ​ចំណូល​គ្មាន​វិក័យប័ត្រ​ប្រមាណ​៧០%​ត្រូវ​ធ្លាក់​ចូល​ហោប៉ៅ​លោក​ទុំ ណូ និង​បក្ខពួក​។​

​ករណី​ទំនិញ​ពន្ធ​សំខាន់ៗ ថ្លៃៗ​មួយចំនួនធំ ត្រូវបាន​គយ​ក្រោម​ការគ្រប់គ្រង​របស់​លោក ទុំ ណូ បង្វែរ​មក​បង់​ត្រឹមតែ ៣០​ទៅ​៤០ ភាគរយ​ប៉ុណ្ណោះ​។​ការសម្រេច​ពន្ធ ទៅលើ​មុខទំនិញ​ផ្សេងៗ​គឺ​មាន​សិទ្ធិ​ស្វ័យ​សម្រេច​លើ​តែ​បបូរមាត់​មេ​គយ​ថ្មី ដែល​បាន​ធ្វើឱ្យ​ថវិការ ធ្លាក់​ចូល​ទៅ​ក្នុង​ហោប៉ៅ​លោក ទុំ ណូ និង​បក្ខពួក​ជា​អ្នករៀបចំ​ថ្មី​ទាំងអស់​។ ហើយ​ដែល​ទង្វើ​បែប​នេះ​បាន​នាំ​ឲ្យ​រដ្ឋ​ត្រូវ​ខាតបង់ ចំណូល​ពន្ធ រាប់​សឹប​លាន​ដុល្លារ ក្នុង​មួយ​ខែៗ ។​

​សូមបញ្ជាក់​ថា​កាលពី​ព្រឹក​ថ្ងៃ​ទី​៩ ខែ​មករា ឆ្នាំ​២០១៧ នៅ​សាលាខេត្ត​ព្រះសីហនុ លោក នួន ច័ន្ទ​រិទ្ធ អគ្គនាយករង នៃ​អគ្គនាយដ្ឋាន គយ​និង​រដ្ឋាករ តំណាងឲ្យ លោក គុណ ញឹម បាន​ធ្វើ​ជា​អធិបតី ប្រកាស​ដោះដូរ និង តែងតាំង ទុំ ណូ ជា​ប្រធាន​សាខាគយ​ខេត្ត​ព្រះសីហនុ ជំនួស លោក យ៉ឹក យូ ប្រធាន​សាខាគយ ខេត្ត​ព្រះសីហនុ អោយ​ប្តូរ​ទៅជា​ប្រធាន សាខាគយ​កំពង់ផែ​អន្តរជាតិ ក្រុងព្រះសីហនុ​ជំនួស​លោក គិន លី វិញ​ដែល​ត្រូវ​ដាក់ឲ្យ​ចូលនិវត្ត​ន៍​នោះ​។​

​លោក ទុំ ណូ អតីត​ប្រធាន សាខា​គយ​និង​រដ្ឋាករ​ខេត្ត​ប៉ៃលិន ដែល​ល្បី​ធ្លាប់​សាង​កំហុស​យ៉ាងច្រើន​សន្ធឹកសន្ធាប់ ក្នុងការ​ធ្វើឲ្យ​បាត់​ចំណូល​ពន្ធ មិន​ត្រូវបាន​ដាក់​ពិន័យ បែរជា​ត្រូវបាន​តែងតាំង ជា​ប្រធាន​សាខា​គយ​និង​រដ្ឋាករ ខេត្ត​ព្រះសីហនុ ជំនួស​លោក យ៉ឹក យូ នេះ​ជា​ឧទាហរណ៍​ស្រាប់​។​

​មន្ត្រី​ដ៏​ដែល​បាន​លើកឡើង​ថា ក្រោយពី​មាន​ការ ផ្លាស់ប្តូ រួច​ក៏​មាន​ការ​បែកធ្លាយ​រឿង អាស្រូវ​ថា ថ្នាក់លើ​មិនមាន គម្រោង​តែងតាំង​បុគ្គល ទុំ ណូ ទេ គឺ​មាន​អ្នក​ផ្សេង​ទៀត មក​ជំនួស កន្លែង​នោះ ប៉ុន្តែ​មន្ត្រី​ខ្លះ លើកឡើងថា​លោក ទុំ ណូបាន ចំណាយ​លុយរាប់ សែន​ដុល្លារ បានជា​គេចផុត​ពី​ការដកតំណែង​ដាក់ទណ្ឌកម្ម ហើយ​ថែមទាំង​បាន​តំណែង​ជា​ប្រធាន​សាខា​គយ​និង​រដ្ឋាករ​ខេត្ត​ព្រះសីហនុ​ទាំង​មិនបាច់​ប្រឹង​ទៀត ។​

​ប្រភព​បង្ហើប​ថា លោក​មេ​គយ​កូនកាត់ ទុំ ណូ ចាយ​លុយ​តូ​យក​ប៉ុស្តិ៍​ខ្លាញ់​នេះ​ប្រដេញ​គ្នា​រហូត​ដល់​ជាង​កន្លះ​លាន​ដុល្លារ ពី​អនុប្រធាន​សាខាគយ​ម្នាក់​ក្នុង​ខេត្ត​នេះ ។ វា​ពិត​មិនធម្មតា​មែន អ៊ីចឹង​ហើយ​បានជា​គាត់​ប្រឹង​ស្រង់ដើម​នោះ​។ តើ​កំណែទម្រង់​គយ​ប៉ុន្មាន​ឆ្នាំ​ទៅ​មុខ​ទើប​បាន​រីកចំរើន​នោះទេ បើ​មាន​តែ មុខ​មេ​គយ​ដុះ​ស្លែ​ដដែល​តែ​ខាង​ប្រព្រឹត្ត​អំពើ​ពុករលួយ​នោះ ។​

​ពាក់ព័ន្ធ​និង​រឿង​ពុករលួយ លោក ទុំ ណូ ខាងលើ​អង្គភាព​សារព័ត៌មាន​យើង​មិនអាច​សុំ​ការបំភ្លឺ​បាន​ទេ​នៅ​ថ្ងៃ​ចេញ​ផ្សាយ​ដោយ​គ្មាន​លេខ​ទូរ​សព្ទ័ ទំនាក់ទំនង​អង្គភាព​សារព័ត៌មាន​យើង​និង​រងចាំ​រាល់​ការសុំ​បកស្រាយ​ពី​ភាគី​ពាក់​ពន្ធ័បើមាន​ស្នើសុំ​បកស្រាយ នៅ​រាល់​ម៉ោង​ធ្វើការ ៕  

 
 
ពត៌មានផ្សេងៗទៀត
​រណ្ដៅ​ដី​ដ៏​ធំ
ខេត្ត​កណ្ដាល​៖ រណ្ដៅ​ដី​ដ៏​ធំ មួយកន្លែង ដែល​គេ​ស្គាល់​ថា​ជា​របស់​ឈ្មួញ​លក់​អាចម៍ដី​ធំ​ម្នាក់ រម្យ​ងារ​ជា​ឧកញ៉ា​និង​ជា​មន្ត្រី​យោធា​ក្នុង​កង​អង្គរក្ស​គឺ​លោក​ឧកញ៉ា ម៉ៅ សុផល ជា​មន្ត្រី​យោធា ជាន់ខ្ពស់​ក្នុង​កង​អង្គរក្ស​របស់ លោកនាយ​ឧត្តមសេនីយ៍ ហ៊ីង ប៊ុន​ហៀ​ង
(ថ្ងៃ ទី២១ ខែមិថុនា ឆ្នាំ2019)
 លោក យី ថុល គយ​ច្រក​អន្តរជាតិ​ព្រែក​ចាក
ខេត្ត​កំពត ៖ ថ្មីៗ​នេះ​មាន​ការប្រទុសរាយ​គ្នា​រវៀង​ប្រធាន​ក្លឹប​អ្នកការសែត ឯក រាជ្យ លោក ហ៊ុន សុខា​និង​លោក យី ថុល ប្រធានការិយាល័យ​គយ​ច្រក​ព្រែក​ចាក ធ្វើឲ្យ​ផ្អើល​ដល់​សង្គម​ហ្វេស​ប៊ុក​
(ថ្ងៃ ទី០១ ខែមិថុនា ឆ្នាំ2019)
ព្រៃឈើ​នៅ​តំបន់​ដែន​ជម្រក​សត្វ​ព្រៃភ្នំ​ឱ​រ៉ា​ល់
ខេត្ត​ពោធិ៍សាត់ ៖ យោង​ប្រភពពី​ស្រុក​ភ្នំក្រវាញ បានឲ្យដឹងថា ព្រៃឈើ​នៅ​តំបន់​ដែន​ជម្រក​សត្វ​ព្រៃភ្នំ​ឱ​រ៉ា​ល់ តំបន់​ដែន​ជម្រក​សត្វ​ព្រៃភ្នំ​សំ​កុស
(ថ្ងៃ ទី៣០ ខែឧសភា ឆ្នាំ2019)
ហ្គេម​បាញ់​ត្រី​ខុសច្បាប់ នៅ​ផ្សារ​ស្ទឹង​ជ័យ​ថ្មី​
ហ្គេម​បាញ់​ត្រី​ខុសច្បាប់ នៅ​ផ្សារ​ស្ទឹង​ជ័យ​ថ្មី​បើក​លេង​យ៉ាង​ពេញបន្ទុក​ទំនង​សមត្ថកិច្ច​ទទួល​លាភសក្ការៈ​អស់​ហើយ​ទើប​មិន​ធ្វើ​ការបង្ក្រាប !
(ថ្ងៃ ទី០១ ខែឧសភា ឆ្នាំ2019)
លោក យូ ហេង
ខេត្ត​បាត់ដំបង​៖ បច្ចុប្បន្ន​មាន​ទំនិញ​គេច​ពន្ធ និង​ទំនិញ​បង់ពន្ធ​មិន​គ្រប់ ក៏​ដូច​នាំ​ទំនិញ​«​ផ្សេង » ប្រកាស​ពន្ធ​«​ផ្សឹ​ង » បន្លំ​ពន្ធ​ក្លាយ​ជា​វប្បធម៌ ចែករំលែក​គ្នា​ហែក​ពី​ចំណូល​ពន្ធ​របស់​រដ្ឋ
(ថ្ងៃ ទី០១ ខែឧសភា ឆ្នាំ2019)
ការិយាល័យ​គយ​ច្រកទ្វារ​អន្តរជាតិ​ប៉ោយ​ប៉ែត
បន្ទាយមានជ័យ​៖ យោង​ប្រភព​ពី​មន្ត្រី​គយ​នៅ​ខេត្ត​បន្ទាយមានជ័យ មួយចំនួន​បាន​បង្ហើប​ឲ្យដឹងថា ក្រោយពេល​ទទួលបាន​តំណែង​ជា​ប្រធាន​ការិយាល័យ​គយ​ច្រកទ្វារ​អន្តរជាតិ​ប៉ោយ​ប៉ែត
(ថ្ងៃ ទី២៤ ខែមេសា ឆ្នាំ2019)
​លោក​ទុំ ណូ
​ខេត្ត​ព្រះសីហនុ ៖ យោង​ប្រភព​ពី​មន្ត្រី​គយ​លួចខ្សឹប​ថា លោក ទុំ ណូ ប្រធាន​សាខាគយ​និង​រដ្ឋាករ​ខេត្ត​ព្រះសីហនុ ដែល​ធ្លាប់​មាន​រឿងអាស្រូវ​កាល​ពី​កាន់ដំណែង ប្រធាន​សាខាគយ នៅ​ខេត្ត​ប៉ៃលិន បាន​ដើរ
(ថ្ងៃ ទី២២ ខែមីនា ឆ្នាំ2019)
លោក កឹង ឃន
ខេត្ត​ស្វាយរៀង ៖ នគរបាល​ក្រោម​ឱវាទ​ជាង ២០​រូប និង​ប្រជាពលរដ្ឋ ចោទ​ស្នងការ​នគរបាល​ខេត្ត​ស្វាយរៀង គឺ​លោក កឹង ឃ​ន ថា រំលោភ​អំណាច ប្រព្រឹត្ត​អំពើ​ពុករលួយ និង​ទទួល​សំណូក​ពី​ឈ្មួញ​ជនជាតិ​វៀតណាម
(ថ្ងៃ ទី១៧ ខែមីនា ឆ្នាំ2019)
ស្រេង សុខា
ភ្នំពេញ​៖ អ្វីៗ​ពិតជា​មិន​ខុសពី​ការប៉ាន់ស្មាន​របស់​បង​ប្អូន​មហាជន​មែន ដោយ​ម្សិលមិញ​នេះ​អង្គភាព​ប្រឆាំង​អំពើពុករលួយ​បាន​ចេញ​លិខិត​មួយច្បាប់ ដោយ​នឹង​បើក​ការស៊ើបអង្កេត ដូចគ្នា​ទៅ​នឹង​ករណី​លោក គីម រស្មី
(ថ្ងៃ ទី២៨ ខែកុម្ភៈ ឆ្នាំ2019)
saing norn
ខេត្ត​បន្ទាយមានជ័យ​៖ យោង​ប្រភពពី​ក្រុម​ឈ្មួញ​និង​អាជីវករ ដែល ដឹកជញ្ជូន​ទំនិញតាម​ផ្លូវជាតិ​លេខ​ ៥ ចំណុច ប៉ុស្តិ៍ភូមិកូនដំរី សង្កាត់និមិត្ត ក្រុងប៉ាយប៉ែត រង​ការគាបសង្កត់​ពី ក្រុម​គយ​ច​លត័​បាន​អំពាវនាវ​ឲ្យ ឯកឧត្តម ឱម យ៉ិន ទៀង ប្រធាន​អង្គភាព​ប្រឆាំង
(ថ្ងៃ ទី២៥ ខែកុម្ភៈ ឆ្នាំ2019)